Аймгийн Засаг даргын захирамжаар “Хот хоорондын зорчигч тээврийн үйлчилгээний чанар хүртээмжийг дээшлүүлэх нь” сэдэвт аян зохион байгуулагдаж, аяны хүрээнд Зуунмод – Улаанбаатар чиглэлийн нийтийн тээврийн үйлчилгээний талаар 1804 иргэнээс санал асуулга авч ажилласан. Санал асуулгад оролцсон иргэдийн 90,3 хувь нь Улаанбаатар дахь эцсийн буудлыг хотын төвд ойр байлгах талаар саналаа өгсөн байна. Аяны хүрээнд зохион байгуулсан” Хот хоорондын зорчигч тээврийн үйлчилгээнд тулгамдаж буй асуудал түүнээс гарах шийдэл” сэдэвт хэлэлүүлцүүлгээс гарсан дүгнэлт, иргэдийн санал асуулгын дүнг нэгтгэн Зам тээврийн хөгжлийн яам, Авто тээврийн үндэсний төв, Нийслэлийн тээврийн газарт хүсэлт хүргүүлж, эцсийн зогсоолыг “МЭШЭЭЛ ЭКСПО ТӨВ”, маршрутыг Хан- уул дүүргийн “АЖИЛЧНЫ СОЁЛЫН ТӨВИЙН БУУДАЛ” хүртэл явуулахаар шийдвэр гарлаа. Иймд Зуунмод – Улаанбаатар чиглэлийн хот хоорондын зорчигч тээврийн үйлчилгээг шинээр батлагдсан маршрутаар 2017 оны 2 дугаар сар 10 өдөр буюу Баасан гаригаас эхлүүлэх болсныг мэдэгдье.