Сумын Иргэдийн Төлөөлөгчдийн хурлын нэрэмжит "Ирээдүйн аварга" хүүхдийн барилдаан 2016 оны 12 сарын 07-ны өдөр Цогтцэций сумын ЕББДС-ийн спорт зааланд явагдаж өнгөрлөө. Тус тэмцээнийг сумын Иргэдийн Төлөөлөгчдийн хурлаас улирал бүр уламжлал болгон зохин байгуулж хэвшээд байгаа бөгөөд энэ жилийн 4 дэх барилдаан юм. Тус хүүхдийн барилдааны 4-5 насны ангилалд А.Дорж түрүүлж, Н.Мөнгөншагай үзүүрлэж, У.Ганбат, М.Жамьянхорол нар шөвгөрсөн бол 6-7 насны ангилалд Б.Баяржавхлан түрүүлж, З.Азбаяр үзүүрлэж, Б.Батмөнх, Б.Баяржавхлан нар шөвгөрсөн байна. Ирээдүйн аварга хүүхдийн бөхийн барилдаанаас маань ирээдүйн аваргууд төрөх болтугай.