Шинэ Үндсэн хууль батлагдсаны 25 жилийн ойг тохиолдуулан Зуунмод сумын Иргэдийн Төлөөлөгчдийн Хурлын ажлын алба, Засаг Даргын Тамгын Газар хамтран сумын Шатар Сонирхогчдын Аварга шалгаруулах тэмцээнийг 2016 оны 11 сарын 19-ний өдрийн 10:00 цагт ЗДТГ-ын хурлын танхимд зохион байгууллаа.  Тэмцээнд 6 багийн шатар сонирхогч 30 иргэн оролцож эрэгтэйчүүдээс Т.Даваадугар Нэгдүгээр байр, У.Батбаатар Хоёрдугаар байр, Х.Алтан-Эрдэнэ Гуравдугаар байрыг тус тус эзэлж эмэгтэйчүүдээс Б.Бархасбаяр Нэгдүгээр байр, А.Алтансувд Хоёрдугаар байр, Д.Бадамцэцэг Гуравдугаар байранд тус тус шалгаран өргөмжлөл, мөнгөн шагналаар шагнагдсан байна. Тэмцээний шүүгчээр Р.Энх-Амгалан,  Д.Даваадугар,  Б.Батжаргал нар ажиллав.