Төв аймаг нь Монгол улсын Ерөнхийлөгчийн 2013 оны 09 сарын 18-ны өдрийн 155-р Зарлиг дор "Сүхбаатар"-ын одонгоор шагнуулж хос одонтой болсон билээ. Тэгвэл Төв аймгийн 27 сумаар "Одонт туг аян" өрнөж 2015.11.10-ны өдөр Зуунмод суманд ирлээ. Хос одонт тугийг Зуунмод сумын ИТХ-ын дарга, Засаг дарга хүндэтгэлтэйгээр хүлээн авч аян үргэлжлэх 14 хоногт хийх бүтээлч ажлуудаа товч танилцуулсан юм. Зуунмод сум нь аяны хүрээнд сумын хэмжээнд айл өрх, орон сууцнуудын айлуудын хогны гэрээг шинэчлэн хийж менежментийг сайжруулах, цахим хуудас хэрэглэгчдийн хүрээнд Хос Одонт тугийн далбаагаар нүүр хуудсаа чимэх, сайн үйлсийн аян гэх зэрэг чиглэлүүдээр ажил зохион байгуулахаар төлөвлөсөн байна. Мөн тус аянд Зуунмод сумын ИТХ тусгай төлөвлөгөөтэйгөөр нэгдэж байна.