Төв аймгийн Онцгой байдлын газраас "Галын аюулгүй байдлын тухай хууль" сурталчилах өдөрлөгийг 2015 оны 11 сарын 06-ны өдөр 11:00-13:00 цагийн хооронд Мөнх-Алдарын талбайд зохион байгууллаа. Галын аюулгүй байдлын тухай хууль нь 1998 онд батлагдан  мөрдөгсөөр байсан ба тус хуулийн шинэчилсэн найруулгыг 2015 оны 07 сарын 02-ны өдөр батлан мөрдөж эхлээд байгаа юм. Хуулийн зорилт нь: Галын аюулгүй байдлыг хангах талаар аж ахуй нэгж, байгууллага, иргэний эрх, үүрэг, тэдгээрийг хэрэгжүүлэхтэй холбогдсон харилцааг зохицуулахад оршино.