Бүтээн байгуулалтын ажлаараа Улсдаа тэргүүлж буй Сүхбаатар аймгийн Баруун-Урт хотын ИТХ-ын Дарга, төлөөлөгчдөөс бүрдсэн 13 хүний туршлага солилцох албан айлчлал энэ сарын 14, 15-ны өдрүүдэд Зуунмод суманд боллоо. Манай 2 сум нь эртнээс харилцан сайн туршлага солилцож ирсэн төдийгүй 2013 онд Зуунмод сумын ИТХ-ын Даргаар ахлуулсан 15 хүний бүрэлдэхүүнтэй баг тус сумын бүтээн байгуулалтын ажилтай танилцаж байсан бол энэ удаа Баруун Урт сумын төлөөлөгчид Зуунмод сумын Төв Чандмань ДЭХГ-ын "Цэвэрлэх байгууламж", Баянхошуу багийн "Жишиг хороолол", орон нутгийн үйлдвэрлэгч "БОНН" ХХК-ний үйл ажиллагаа болон нэрийн барааны дэлгүүрээр зочилж шинээр баригдаж буй "Нисэх онгоцны буудал"-тай танилцсан юм.