2015 оны 10-р сарын 09, 10, 11-ний өдрүүдэд Төв аймгийн Зуунмод суманд "Хөдөөгийн багш нарын спортын XIII их наадам" амжилттай болж өнгөрлөө. Сагсан бөмбөг болон гар бөмбөгийн тэмцээнүүд Солонго цогцолборт амжилттай зохион байгуулагдсан ба тус наадмын үеэр манай аймагт БСШУЯамны сайд Л.Гантөмөр айлчилсан. "Залуу зохион бүтээгч" төвийн авьяаслаг хүүхэд багачуудын хийж бүтээсэн бүтээлийн үзэсгэлэн зохион байгуулагдаж, 10-р сарын 10-нд Цэцэрлэгийн багш нарын өөрсдийн гараар хийж бүтээж буй Монгол ахуй, зан заншилыг илтгэсэн эсгий урлалаар хийсэн тоглоом, ном, самбар зэрэг бүтээлийн үзэсгэлэн Солонго цогцолборт болсон байна.