Зуунмод сумын ИТХ, ЗДТГ, Он жилийн хэлхээ НҮТББ, аймгийн Соёл урлагийн ажилтны холбоо хамтран Олон улсын ахмадын баярын өдрийг угтаж 6 багийн ахмадуудын дунд "Ахмад авьяастан-2015" урлагийн хөтөлбөрт арга хэмжээг 2015 оны 09 сарын 20-30-ны хооронд тусгай удирдамжийн дагуу зохион байгууллаа.
Уг арга хэмжээнд 50-с дээш насны ахмадууд оролцож ардын дуу, харилцаа дуу, 60, 70-аад оны зохиолын дуунууд, Монгол ардын хөгжмүүд, хөөрөлт хөгжим, олон үндэстэн ястны бүжгүүд, халх, баруун, зүүн Монгол бусад үндэстэн ястнуудын бүжгүүдээс бүжиглэн яруу найргийн хэсэг, шүлэг, ерөөл, магтаал зэргээр авьяас чадвараа сорьж Нацагдорж багийн Ахмадууд I байр, Баянхошуу багийн Ахмадууд II байр, Номт багийн Ахмадууд III байр тус тус эзэллээ.