Зуунмод сумын Номт багийн ахмадын зөвлөлөөс санаачлан уламжлал болгон зохион байгуулж ирсэн "Налгар намар" ахмадын өдөрлөг 2015.09.21-ний өдөр Зуунмод сумын "Дүнжингарав" цогцолборт зохион байгуулагдсан юм.
Тус өдөрлөгийг түрүүлсэн баг шилжин явах цом авах журмаар дараагийн өдөрлөгийг зохион байгуулдаг байсан ба энэ удаагийн өдөрлөгийг Ланс, Баруун Зуунмод багууд амжилттай зохион байгууллаа.
Өдөрлөгт 6 багийн 150 гаруй ахмадууд хүрэлцэн ирж Уламжлалт Монгол наадгай болох морь уралдах, бөгцөг няслах, хуруу таах, дэмбээдэх зэрэг олон төрлийн тэмцээнүүд зохион байгуулж ахмадууд маань 1 өдрийг сайхан өнгөрүүлсэн юм.
