Төв аймгийн Зуунмод хот, БНСУ-ын Инчеон хотын Нам дүүргийн найрамдалт харилцаа тогтоосны 10 жилийн ойн хүрээнд Нам дүүргийн ИТХ-ын 12 зочид төлөөлөгчид Зуунмод хотноо 2015.09.15-ны өдөр айлчлал хийлээ. Зочид төлөөлөгчдийг Төв аймгийн "Солонго цогцолбор"-т Зуунмод сумын ИТХ-ын Дарга Д.Бэрцэцэг, Төлөөлөгчдийн хамт, Засаг дарга Ж.Цэндсүрэн, ЗДТГ-ын албадууд, Аймгийн ТЗУХ-ийн дарга С.Цогбаяр нар хүлээн авч хүндэтгэл үзүүлэн Шилдэг сурагчдын урлагийн номер толилуулж мэндчилгээ дэвшүүлсэн юм.
Тус айлчлалын хүрээнд Төв аймгийн Нэгдсэн эмнэлэгт 2 монитор, Зуунмод сумын ИТХ-ын Тэргүүлэгчдийн албан хэрэгцээнд 5 ширхэг зөөврийн компьютер гардуулж, Зуунмод сумын ЗДТГ-ын Солонгос-Монгол Соёл мэдээллийн төвийн үйл ажиллагааг нээж хичээлийн хэрэглэл гардуулсан юм.
Уг арга хэмжээнд хамтран ажилласан байгууллага хамт олондоо талархал илэрхийлье.