“Залуучуудын манлайлал – Гэр бүлийн хөгжлийг дэмжих жил” – урианы жилийн нээлт, Түүхт ой-бүтээн байгуулалтын жил” – урианы жилийн ажлыг дүгнэх арга хэмжээг зохион байгууллаа.

Нээлтийн арга хэмжээнд багийн Засаг дарга, Зуунмод сумын ЕБС-ын захирал, цэцэрлэгийн эрхлэгч нар, Хот тохижуулах газар, Зуунмод цэцэрлэгжүүлэлт ОНӨҮГазар, Соёлын төв, Ахмадын хороо болон төрийн албан хаагчид, иргэд оролцлоо.

Арга хэмжээний эхэнд Зуунмод сумын ИТХ-ын дарга Г.Мөнхбадрал нээж үг хэлсэн бол Засаг дарга бөгөөд Хотын захирагч Ч.Сарангэрэл 2023 онд хийгдсэн бүтээн байгуулалтын ажлын талаар мэдээлэл өглөө.

Мөн Урианы жилийн ажлын хүрээнд Зуунмод хотын 6 Шилдэг гэр бүлүүдийг тодруулж, Олимпын таеквондогийн 28 дахь удаагийн Азийн хотуудын аварга шалгаруулах тэмцээнд Монгол улсаа төлөөлөн оролцсон хүүхдүүдэд хүндэтгэл үзүүлэх, төрийн үйлчилгээний албан хаагчдад хүнсний багц олгох зэрэг арга хэмжээ зохион байгуулагдлаа.