Улсын Их Хурлын Тамгын газар, НҮБ-ын Хөгжлийн хөтөлбөр хамтран Швейцарийн хөгжлийн агентлагийн санхүүжилтээр хэрэгжүүлж буй “Монгол Улсын төлөөллийн байгууллагыг бэхжүүлэх нь” төслөөс зарласан Нутгийн удирдлагын чиглэлээр үйл ажиллагаа явуулдаг төрийн бус байгууллагыг дэмжих тэтгэлэг хөтөлбөрт Зуунмод сумын “Нутгийн удирдлага-Иргэний хяналт” ТББ-аас төсөл бичиж шалгаран Төв аймгийн Зуунмод, Сэргэлэн, Алтанбулаг сумын ИТХ-д “Захиргааны шийдвэр гаргах үйл ажиллагаанд иргэдийн оролцоог хангах нь” төслийг хэрэгжүүлж ажиллахаар гэрээ байгуулан ажиллаж байна.
Тэгвэл “Захиргааны шийдвэр гаргах үйл ажиллагаанд иргэдийн оролцоог
хангах нь” төслийн нээлтийг 2017.10.24-ний өдөр Зуунмод суманд хийсэн бол
өнөөдөр буюу 2017.11.29-ний өдөр төсөл хэрэгжүүлэгч 2 дахь сум болох Сэргэлэн
суманд зохион байгууллаа.
Төслийн нээлтийн үеэр:
Захиргааны ерөнхий хууль ба захиргааны шийдвэр
гаргах түвшинд иргэдийн оролцоог хангах нь, Захиргааны ерөнхий хуулийн
хэрэгжилт, өнөөгийн нөхцөл байдал, цаашид хэрэгжүүлэх арга хэмжээ
сэдвүүдээр Төв аймгийн Захиргааны Хэргийн Шүүхийн Ерөнхий шүүгч
Хажидмаа, Төв аймгийн Хуульчдын холбооны Дарга Б. Баярмагнай нарыг урьж
оролцуулан Сэргэлэн сумын иргэд, төрийн албан хаагчдад танилцуулга,
мэдээллүүдийг хийлгэсэн байна.